မြန်မာ ၀-၅ မြောက် ကိုရီးယား

AFC Challenge Cup ၀င်ရောက် ယှဉ်ပြိုင်နေသည့် မြန်မာ့ လက်ရွေးစင် အသင်းသည် ဆီမီးဖိုင်နယ် ပွဲစဉ်တွင် မြောက် ကိုရီးယား အသင်းကို (၅-၀)ဂိုးဖြင့် ရှုံးနိမ့် သွားခဲ့ကြောင်း သိရသည်။

မြန်မာ အသင်းသည် ယင်းပွဲစဉ်တွင် ကွင်းလယ် ကစားသမား အောင်ကျော်မိုး ပွဲပယ် ပြစ်ဒဏ်ကြောင့် မပါဝင် နိုင်သဖြင့် ခင်မောင်လွင် ကို ကွင်းလယ် တက်ကစား စေခဲ့သည်။ ခင်မောင်လွင်၏ နောက်တန်း ဘယ်အစွန် နေရာတွင်မူ လူငယ် ကစားသမား ရွှေလှိုင်ဝင်းကို ထည့်သွင်း ကစား စေခဲ့သည်။ မြောက်ကိုရီးယား အသင်းသည် ပွဲအစ ၆ မိနစ် တွင်ပင် ဦးဆောင်ဂိုး ရရှိသွား ခဲ့ခြင်း ဖြစ်ပြီး ကွင်းလယ် ကစားသမား ချိုမြောင်ဟိုက သွင်းယူခဲ့ခြင်း ဖြစ်သည်။ ယင်းဂိုးသည် မြောက် ကိုရီးယား ကစားသမားများ အသင်းလိုက် စုစည်းမှုနှင့် တစ်ဦးချင်း Skill ကောင်းမွန်မှုကို အားပြုကာ မြန်မာ နောက်တန်းနှင့် ဂိုးသမားကိုပါ အယောင်ပြ လိမ်ခေါက် ကျော်ဖြတ်၍ သွင်းယူ နိုင်ခဲ့ခြင်း ဖြစ်သည်။ ပွဲချိန် ၁၂မိနစ် တွင် ကိုရီးယား တိုက်စစ်မှူး ချိုးချွဲမန်က ဂိုးသမား သီဟစည်သူကို ကျော်၍ ဖြတ်တင်ဘော ကန်တင်ရာ ဂိုးထဲ ၀င်သွား သောကြောင့် ဒုတိယဂိုး ဖြစ်ခဲ့ရသလို၁၃ မိနစ် တွင်လည်း ကွင်းလယ်လူ ပတ်ဆောင်ချွဲ၏ ကိုက်၃၀ အဝေး ကန်ချက်ဖြင့် တတိယဂိုး ဖြစ်ခဲ့ပြန်သည်။

ပထမပိုင်းတွင် အဆိုပါ ဂိုး ၃ ဂိုးဖြင့် ဦးဆောင် နိုင်ခဲ့သော မြောက်ကိုရီးယား အသင်းသည် ဒုတိယ ပိုင်းတွင်လည်း အသာစီး ဆက်လက် ကစားနိုင်ခဲ့ပြီး ပွဲချိန် ၇၃ မိနစ်၌ ချိုချွဲမန် ကပင် စတုတ္တ ဂိုးကို ထပ်မံသွင်းယူ ခဲ့သည်။ တဖန် ပွဲပြီးရန် ၅ မိနစ် အလိုတွင် လူစား ၀င်လာသည့် တိုက်စစ်မှူး ကင်ဆောင်ယောင်းက အပိတ်ဂိုး သွင်းယူကာ (၅-၀) ဖြစ်စေခဲ့ခြင်း ဖြစ်သည်။ ယင်းပွဲတွင် ပွဲပြီးခါနီး နာကျင် အချိန်ပို၌ မြန်မာနှင့် မြောက်ကိုရီးယား ကစားသမားများ အ၀ါကဒ် ၃ ကတ် ဆက်တိုက် ပြခံခဲ့ရသည် ကိုလည်း ထူးခြားစွာ တွေ့ရသည်။ အ၀ါကဒ် ပြခံခဲ့ရ သူများမှာ မြန်မာ အသင်းဘက်မှ ခင်မောင်လွင်နှင့် မြောက်ကိုရီးယားမှ ချိုချွဲမန်၊ ရီချွဲမြောင်တို့ ဖြစ်သည်။

ယင်းပွဲတွင် အနိုင်ရခဲ့သည့် မြောက်ကိုရီးယား အသင်းသည် အုပ်စုတွင်း ပြိုင်ဘက် တာမင် နစ္စတန် အသင်းနှင့် ဗိုလ်လုပွဲ ယှဉ်ပြိုင် ကစားရမည် ဖြစ်သည်။ အုပ်စုတွင်း တွေ့ဆုံခဲ့စဉ်က ၎င်းတို့ နှစ်သင်းသည် အရှုံးအနိုင် မပေါ်ဘဲ (၁-၁)ဂိုး သရေ ဖြင့်သာ ပြီးဆုံးခဲ့၍ ဗိုလ်လုပွဲမှာ အကြိ်တ်အနယ် ဖြစ်လာမည် ဖြစ်သည်။ မြန်မာ အသင်းမှာလည်း တတိယ နေရာလုပွဲတွင် အုပ်စုတွင်း ပွဲစဉ်၌ (၃-၀)ဂိုးဖြင့် ရှုံးနိမ့်ထားသော တာဂျစ် ကစ္စတန်ကို ရင်ဆိုင်ရမည် ဖြစ်သည်။ ဗိုလ်လုပွဲနှင့် တတိယ နေရာ လုပွဲကို ဖေဖော်ဝါရီ ၂၇ ရက်နေ့တွင် တစ်နေ့တည်း ကျင်းပမည် ဖြစ်သည်။

မြန်မာ အသင်းတွင် ပွဲထွက် ပါဝင်ကစား ခဲ့သူများ

၃။ ၀င်းမင်းထွဋ်
၅။ ခင်မောင်လွင်
၇။ ဇော်ထက်အောင် (ဋ္ဌေးအောင် ၆၂')
၈။ ခင်မောင်ထွန်း
၁၀။ ထွန်းထွန်းဝင်း
၁၄။ မျိုးမင်းထွန်း
၁၇။ ရွှေလှိုင်ဝင်း
၁၈။ သီဟစည်သူ (ဂိုး)
၂၀။ ပိုင်စိုး
၂၁။ ရန်ပိုင် (ကျော်ကိုကို ၄၆')
၂၅။ ဇော်လင်းထွန်း (မိုးဝင်း ၅၅')

အရန် ကစားသမားများ

၂။ ဟန်ဝင်းအောင်

၎။ မိုးဝင်း
၁၁။ ပြည့်ဖြိုးဦး
၁၅။ အေးဆန်း
၁၉။ အောင်အောင်ဦး (ဂိုး)
၂၄။ ရန်အောင်ကျော်
၂၈။ ကျော်ကိုကို
၃၀။ ကျော်သီဟ
၃၄။ ဋ္ဌေးအောင်
၃၆။ စိုးမင်းဦး
၃၇။ ရန်အောင်ဝင်း

ပွဲကြီးကြပ်သူများ
ကွင်းလယ်ဒိုင် - မောက်ထာ ဆာလက် အလီ အယ်ယာရီမီ (ယီမင်)
အကူဒိုင်(၁) - ကာရီမီ မော်တီဇာ (အီရန်)
အကူဒိုင်(၂) - ဟိုဝေမင်း (တရုတ်)
စတုတတ္တဒိုင် - မဟာပတ် ချိုင်ယာ (ထိုင်း)
source from http://soccermyanmar.com